Industry 2023 ප්‍රදර්ශනයට සමගාමීව eR c80 සහ eR s300 විද්‍යුත් යතුරු පැදි ඇතුළු Lencar Small Electric Vehicles නවෝත්පාදන ප්‍රදර්ශනයේ දෙවැනි දිනය ක්‍රියාත්මක වූ ජුනි 23 දින පස්වරුවේ එම අවස්ථාවට, පාර්ලිමේන්තු මන්ත්‍රී පාඨලී චම්පික රණවක මහතා ද බණ්ඩාරනායක සම්මන්ත්‍රණ ශාලා පරිශ්‍රයේ දී එක් විය.
විද්‍යුත් වාහන ක්ෂේත්‍රයේ නවෝත්පාදන දිරි ගන්වන පළමු නියමු ව්‍යාපෘතිය කොළඹ දිස්ත්‍රික්කය කේන්ද්‍ර කරගෙන ඉදිරි සති කිහිපය ඇතුළත ක්‍රියාත්මක කිරීමට Lencar බලාපොරොත්තු වෙයි. එම ආයතනයේ ප්‍රධානීන් සමග මේ සම්බන්ධයෙන් රණවක මහතා සුහද පිළිසඳරක ද නිරත විය.
