එක්සත් ජනරජ පෙරමුණේ නායක, පාර්ලිමේන්තු මන්ත්‍රී පාඨලී චම්පික රණවක මහතා ඊයේ දින (ඔක්. 31) මාතලේ දිස්ත්‍රික් ජනතාව හමුවීම සඳහා එම ප්‍රදේශය වෙත ගියේය.
එහිදී, ප්‍රථමයෙන් ම ගලේවෙල දිවුල්ගස්කොටුව ප්‍රාථමික විද්‍යාලය වෙත ගිය පාඨලී චම්පික රණවක මහතා; ඉන් අනතුරුව ගලේවෙල මහා පල්ලිය, දඹුල්ල මහා පල්ලිය, මාතලේ ගොංගාවෙල ජුම්මා පල්ලිය යන මුස්ලිම් දේවස්ථාන වෙත ගොස් ඉස්ලාම් ආගමික නායකයන් මුණ ගැසී සුහද කතා බහක නිරත විය.
සවස්වරුවේ මාතලේ අළුවිහාරය වැඳපුදා ගැනීමෙන් අනතුරුව, කළුදෑවල විහාරස්ථානයට ගොස් මහා සංඝරත්නය බැහැ දැක ආශිර්වාද ලබාගත් රණවක මහතා; ඉන් අනතුරුව උකුවෙල මුස්ලිම් දේවස්ථානය වෙත ද, මාතලේ ශ්‍රී පත්තිනි අම්මාන් ප්‍රධාන දේවාලය වෙත ගොස් ආශිර්වාද ලබා ගැනීමට කටයුතු කළේය.
මෙම අවස්ථාව තීක්ෂණ ගම්මන්පිල මහතා ප්‍රමුඛ මාතලේ දිස්ත්‍රික් කමිටුව විසින් සම්බන්ධීකරණය කරන ලදී.
