හිටපු පා.ම හිරුණිකා ප්‍රේමචන්ද්‍ර මහත්මියගේ මහ මැතිවරණ මෙහෙයුම ආරම්භ කිරීමේ අවස්ථාව මාර්තු 08 වෙනිදා මොරටුවේදී සමගි ජන බලවේගයේ නායක සජිත් ප්‍රේමදාස මහතාගේ ප්‍රධානත්වයෙන් පැවැත්විණි.
මෙම අවස්ථාවට හිටපු අමාත්‍ය ආචාර්ය හර්ෂ ද සිල්වා මහතා, හිටපු අමාත්‍ය පාඨලී චම්පික රණවක මහතා ඇතුලු දේශපාලඥයින් සහ ක්‍රියාකාරීන් රැසක් සහභාගී විය.
හෝමාගම ආසන සංවිධායක නීතිඥ එරන්ද වැලිඅංග මහතා සංවිධානය කල ලෝක කාන්තා දින සැමරුම් උත්සවය මාර්තු 08 හෝමාගමදී හිටපු අමාත්‍ය පාඨලී චම්පික රණවක මහතාගේ ප්‍රධානත්වයෙන් පැවැත්විණි.
දිරිය අභිමානී කාන්තා සංවිධානය විසින් ලෝක කාන්තා දිනයට සමගාමීව සංවිධානය කල මෙහෙණින් වහන්සේලා වෙනුවෙන් වූ විශේෂ දානමය පුණ්‍යකර්මය පිළියන්දල මාකන්දන සංකල්ප ක්‍රීඩාගාරයේදී හිටපු අමාත්‍ය පාඨලී චම්පික රණවක මහතාගේ ප්‍රධානත්වයෙන් පැවැත්විණි.
සමගි ජන බලවේගයේ ප්‍රධාන කාර්යාලය විවෘත කිරීම..
සමගි ජන බලවේගයේ ප්‍රධාන කාර්යාලය මාර්තු 09 උදෑසන එම සන්ධානයේ නායක සජිත් ප්‍රේමදාස මහතාගේ ප්‍රධානත්වයෙන් ඇතුල්කෝට්ටේ ඊ. ඩබ්ලිව් පෙරේරා මාවතේදී විවෘත කෙරිණි. එම අවස්ථාවට එම සංධානයේ මහලේකම් රංජිත් මද්දුම බණ්ඩාර, පාඨලී චම්පික රණවක ඇතුලු දේශපාලන නායකයින් සහ ක්‍රියාකාරීන් විශාල පිරිසක් සහභාගී විය.
